බළන්ගොඩ නගර සභාවේ සැප්තෑම්බර් මස පැවති මාසික සභා වාර්තාව දැන් බළන්ගොඩ නගර සභා නිල ‍ වෙබ් අඩවියෙන්ලබා ගත හැකිය.

නැතහොත් පහත සබැදුම මගින්ද  බාගත කර ගත හැකිය

2009-09-24 දින මාසික සභා වාර්තාව මෙතැනින් බාගත කරගන්න.

බළන්ගොඩ නගර සභාවේ පොදු වෙළදසැලේ අංක 08 දරණ කඩ කාමරය  2010 වර්ෂය සදහා බදු දීමට  ලංසු කැදවීම දැන් සිදු කෙරේ.  මේ සදහා වන ලංසු දැන්වීම් දැන් බළන්ගොඩ නගර සභා නිල වෙබ් අඩවියෙන් දැන් ලබා ගත හැකිය.

නැත‍හොත් මෙතැනින් ලබා ගත හැකිය.

2009 ජාතික කියවීමේ මාසය වෙනුවෙන් සංවිධානය කෙරුණු අන්තර් පාඨශාලයීය දැනුම මිණුම තරගය අද (2009-10-30) පෙ.ව.9.00 ට පමණ මහජන පුස්තකාලයීය ශාලාවේදී පැවැත්විණි. මේ සදහා බළන්ගොඩ විද්‍යාලෝක විද්‍යාලය හා බළන්ගොඩ ශාන්ත ඇග්නස් බාලිකා විද්‍යාලය යන විදුහල් වලින් කණ්ඩායම් ඉදිරිපත් කර තිබුණි. මෙහිදී විද්‍යාලෝක විද්‍යාලයීය බී කණ්ඩායම වැඩිම ලකුණු ලබා ජයග්‍රහණය කරන ලදී.

සබරගමුව පලාත් සභාවෙන් බළන්ගොඩ නගර සභාව‍ වෙත විශේෂ වරප්‍රසාදයක්‍ ලෙස රුපියල් ලක්ෂ 20 ක් කාර්යාල නවීකරණය සදහා ලබා දෙන ලදී. මේ මගින් සිදුකරන ලද කාර්යාල නවීකරණය දැන් කඩිනම්න් නිම වෙමින් පවතී.

කාර්යාල නවීකරණය යටතේ බළන්ගොඩ නගර සභාවේ ගරු සභාපතිතුමා සදහා නව කාමරයක්ද සකස් කරන ලදී. එම නව කාමරයේ වැඩ ආරම්භ කිරීම අද (2009-10-28) උදෑසන 6.51 ට යෙදුනු සුභ මොහොතින් සිදු කරන ලදී. මෙම අවස්ථාව සදහා ප්‍රදේශයේ ප්‍රභූවරුන් රැසක් සහභාගිවු අතර අවසානයේ ගරු සභාපති නිමල් ගාමිණී වීරසිංහ මැතිතුමා පැමිණ සිටි සැම අමතමින් සදහන් කලේ බළන්ගොඩ නගර සභාව සමස්ත ලංකා කාර්යය සාධන තරගයේ ප්‍රථම ස්ථානය ලබා ගැනීම සදහා මග සලසා ගැනීම තම අධිෂ්ඨානය බවයි.

බළන්ගොඩ ප්‍රදේශය සදහා පැවැත්වු වප් මගුල් උත්සවය 2009-10-22 දින පැවැත්විය. පැරණි චාරිත්‍රවාරිත්‍ර හා සාම්ප්‍රදායික වත් පිලිවෙත් අනුව යමින් ආරම්භ කෙ‍රුණු මෙම වප්මගුල් උත්සවය සදහා බළන්ගොඩ නගර සභාවේ ගරු සභාපති නිමල් ගාම්ණී වීරසිංහ මැතිතුමා ඇතුඵ ප්‍රදේශයේ ප්‍රභූවරුන් රැසක් සහභාගිවිය.

මේ දින වල බළන්ගොඩ නගරයේ අනවසර ‍පදික වෙළදාම් ඉවත් කිරීම බළන්ගොඩ නගර සභාව හා බළන්ගොඩ පොලිසිය එක්ව සිදු කරනු ලබයි. එබැවින් ඔවුන්ගේ ගැටඵ සාකච්ජා කිරීම සදහා විශේෂ රැස්වීමක් 2009-10-22 දින බළන්ගොඩ නගර සභාවේ දී පැවැත්විනි. මේ සදහා බළන්ගොඩ නගර සභාවේ ගරු සභාපති නිමල් ගාමිණී වීරසිංහ මැතිතුමා,බළන්ගොඩ නගර සභාවේ ලේකම් ආර්.ඩී. නලීන් පුෂ්පකුමාර මහතා, බළන්ගොඩ පොලිසියේ නිළධාරී මහතුන් ඇතුඵ බළන්ගොඩ නගරයේ අනවසර වෙළදාම් කරන්නන් රැසක් සහභාගිවිය.

2009 ඔක්තෝම්බර් ජාතික කියවීමේ මාසය වෙනුවෙන් බළන්ගොඩ නගර සභා මහජන පුස්තකාලය මගින් කියවීමේ අගය පිළිබද ජනතාව දැනුවත් කිරීමේ විශේෂ රැස්වීමක් 2009-10-16 දින  ‍ප.ව 2.30ට පවත්වන ලදී. බළන්ගොඩ මහජන පුස්තකාලයීය රැස්වීම් ශාලාවේදී පැවැති මෙම රැස්වීමට බළන්ගොඩ නගර සභාවේ ගරු සභාපති නිමල් ගාමිණී වීරසිංහ මැතිතුමා, බළන්ගොඩ නගර සභාවේ ලේකම් ආර්.ඩී. නලීන් පුෂ්පකුමාර මහතා, මහජන පුස්තකාලයේ හිටපු පුස්තකාලයාධිපති රුවන් ප්‍රේමසිංහ මහතා, පුස්තකාල උපදේශක කමිටුවේ සාමාජිකයින් ඇතුලු පුස්තකාල පාඨකයින් රැසක් සහභාගි විය. බළන්ගොඩ මහජන පුස්තකාලට බැදුණු නව සාමාජිකයින් හට සාමාජිකත්වය පිරිනමීමද මෙදින සිදුවිය.

2009 ඔක්තොම්බර් ජාතික කියවීමේ මාසය වෙනු‍වෙන් බළන්ගොඩ නගර සභා විදුනැණ පියස මධ්‍යස්ථානය එක්දින ඉන්‍ටර්නෙට් වැඩමුඵවක් පවත්වන ලදී. වැඩි ප්‍රයෝගික අවස්ථාවන් ලබා දීම උදෙසා මෙම වැඩමුඵව සදහා 8 දෙනෙකු පමණක් තෝරා ගත් අතර ඉන්ටර්නෙට් පිළිබද පුඵල් අවබෝධයක් මෙහිදි ලබා දෙන ලදී.  2009-10-08 පෙ.ව. 8.30 සිට ප.ව. 5.00 දන්වා මෙම වැඩමුඵව පැවැත්විනි.

නාගරික සංවර්ධන අධිකාරියේ පාරිපාලනයේ පැවතුනු බළන්ගොඩ තානායම බළන්ගොඩ නගර සභාවේ පරිපාලනයට පසුගියදා යටත්විය. මේ දින වල බළන්ගොඩ නගර සභාව විසින් මෙම තානායම නවීකරණයට ලක් කරමින් සිටි. ජනතාවට වඩා හොද සේවාවක් සදහා මෙම නවීකරණ කටයුතු දැන් කඩිනමින් සිදුවෙමින් පවතී. පහත දැක්වෙන්නේ නවීකරණ කටයුතු නිරීක්ෂණය සදහා එහි ගිය බළන්ගොඩ නගර සභාවේ ගරු සභාපති නිමල් ගාම්ණී වීරසිංහ මැතිතුමා ඇතුලු නාගරික මන්ත්‍රීවරුන් හා බළන්ගොඩ නගර සභා‍වේ ලේකම් ආර්.ඩී. නලීන් පුෂ්පකුමාර මහතා ඇතුලු පිරිසයි.

බළන්ගොඩ නගර සභාවේ කාර්යාල ගොඩනැගිල්ල මේ දින වල තීන්ත ආලේප කරමින් අලුත් කාර්යාලයීය උපකරණ සවිකරමින් නවීකරණය සිදු වෙමින් පවති. ජනතාවට වඩා ප්‍රිය මනාප පරිසරයක් තුල හොද සේවයක් ලබා දීමේ අරමුණ යටතේ මෙම කාර්යාල නවීකරණය සිදුවේ.

පහත දැක්වෙන්නේ මේ දින වල බළන්ගොඩ නගර සභා කාර්යාලය නවීකරණය සිදුවන අයුරුය.