බළන්ගොඩ නගර සභාවේ සෞඛ්‍ය අංශයේ සේවයේ නියුතු සෞඛ්‍ය කම්කරුවන් සදහා  බෝනොවන රෝග පිළිබද සායනයක් 2017-03-17 දින බළන්ගොඩ නගර සභාවේ සහ බළන්ගොඩ සෞඛ්‍ය වෛද්‍ය නිළධාරී කාර්යාලයේ අනුග්‍රහයෙන් පවත්වන ලදී. මෙහිදී හදුනාගන්නා රෝගීන් බළන්ගොඩ මුලික රෝහලට යොමුකරන ලද අතර ප්‍රතිකාර සදහා වියදම් බළන්ගොඩ නගර සභාව විසින් දරන ලදී.

ශ්‍රී ලංකාවේ රාජ්‍ය තොරතුරු තාක්ෂණික වශයෙන් ජවගැන්වීම පිළිබද  ඉ-රාජ්‍ය ප්‍රතිපත්තිය ක්‍රියාවට නැංවීමට බළන්ගොඩ නගර සභාව ක්‍රියා කරමින් සිටි. ඒ අනුව නගර සභා නිලධාරීන් මේ පිළිබද දැනුවත් කිරීමේ වැඩසටහනක් 2017-03-07 දින බළන්ගොඩ නගර සභා ශ්‍රවණාගාරයේදී පැවැත්විනි.  මේ අනුව  ඉ-රාජ්‍ය ප්‍රතිපත්තිය අනුව යමින් එහි එක් පියවරක් ලෙස 2017-03-15 දින සිට බළන්ගොඩ නගර සභාවේ නිල විද්‍යුත් ලිපිනය info@balangoda.uc.gov.lk  ලෙස වෙනස් වෙනු ඇත.

අලුත්ම ආකාරයට පරිගණක Presentation ඉදිරිපත් කිරීම පිළිබද  Cloud Computing Presentation පිළිබද දෙදින වැඩමුඵ මාලාවේ පළමු වැඩමුඵව 2016 මාර්තු 02 හා 03 යන දින වල බළන්ගොඩ නගර සභා විදුනැණ පියස තොරතුරු තාක්ෂණ පුහුණු මධ්‍යස්ථානයේදී පැවැත්විනි. මෙම වැඩමුඵව සදහා රත්නපුර මහ නගර සභාව, ගොඩකවෙල ප්‍රාදේශීය සභාව, වැලිගෙපොල ප්‍රාදේශීය සභාව, බළන්ගොඩ කලාප අධ්‍යාපන කාර්යාලය හා පළාත් ආදායම් දෙපාර්තුමේන්තුව යන ආයතන වල නිළධාරීන් සහභාගිවිය.

2017 පෙබරවාරි 06 වෙනි දිනට යෙදී ඇති “ක්‍රීඩා හා ශරීර සුවතා ප්‍රවර්ධන රාජ්‍ය සහ සංස්ථා නිලධරයන්ගේ දිනය” වෙනුවෙන් විශේෂ ශරීර සුවතා වැඩසටහනක් උදෑසන නගර සභා භූමියේදී පවැත්විනි. ජාතික කොඩිය ඔසවා ජාතික ගීය ගායනයෙන් ආරම්භ කරන ලද මෙම වැඩසටහන මෙහෙවන ලද්දේ කුමාර සෙනවිරත්න මහතා විසිනි.

බළන්ගොඩ නගර සභාව, බළන්‍ගොඩ සෞඛ්‍ය වෛද්‍ය නිලධාරී කාර්යාලය, බළන්ගොඩ පොලිසිය හා බළන්ගොඩ වෙළද සංගමය හා එක්ව ක්‍රියාත්මක කරන  ඩෙංගු මර්දන ශ්‍රමදාන වැඩස‍ටහනක් 2017-01-24 දින පවත්වන ලදී. මෙහිදී වෙළදසැල් හා නිවාස ආශ්‍රීත ඩෙංගු මදුරුවන් බෝවිය හැකි ස්ථාන පරීක්ෂා කිරීම, පවිත්‍ර කිරීම සිදුකරන ලදී.

හරිත කවයේ යෝජනාවක් අනුව බළන්ගොඩ නගර සභාවේ කාර්ය මණ්ඩලය විසින්  2017-01-20 දින නගර  අලංකරණය සදහා ස්ථාපනය කර ඇති මල් පෝච්චි හා ඒ ආශ්‍රිත වෘක්ෂ නඩත්තුව සිදු‍ කිරීමේ  ශ්‍රමදානයක් පවත්වන ලදී.

බළන්ගොඩ නගර සභාවේ සුපිපි කවයේ යෝජනාවක් පරිදි ක්‍රියාත්මක කරන ලද පෝදා දහම් පැය මාසික ධර්ම දේශනා මාලාවේ පළමු දේශනය ඇල්ලෙපොල බෝධිමාලාකාරාමය විහාරස්ථානයේ වැඩ වසන කොළොන්නේ සිරිශාන්ත නායක ස්වාමීන් වහන්සේ විසින් 2017-01-17 දින පවත්වන ලදී. මේ අවස්ථාව සදහා බළන්ගොඩ නගර සභාවේ කාර්ය මණ්ඩලය මෙන්ම බළන්ගොඩ වැඩිහිටි සංගමය හා පුස්පාතකාල පාඨක සමාජය ද සහභාගී වන ලදී.

බළන්‍ගොඩ නගර සභාව 2017 නව වසරේ වැඩ ආරම්භ කිරීමේ විශේෂ වැඩසටහනක් 2017-01-02 බළන්ගොඩ නගර සභාවේ දී පැවැත්විනි. මෙහිදී මහා සංඝරත්නව සහභාගීත්වයෙන් පිරිත් සජ්ජායනයක්ද පවතන ලදී.

දීප ව්‍යාප්තව පවත්වන ලද පළාත් පාලන ආයතනය කළමනාකරණ තරගයේ ශ්‍රී ලංකාවේ හොදම නගර සභාව වෙත පිරිනැමෙන ස්වර්ණ පුරවර 2016 සම්මානය බළන්ගොඩ නගර සභාව‍ට හිමිවිය.  2016-12-20 දින නෙඵම් පොකුණ රංග ශාලාවේදී පැවැති අභිමානවත් උත්සවකදී මෙම සම්මානය බළන්ගොඩ නගර සභාව වෙත පිරිනැමුනි.

2015 ජාතික ඵලදායිතා තත්ව සම්මාන තරගාවලියේදී පළාත් පාලන අංශයෙන් බළන්ගොඩ නගර සභාව ශ්‍රී ලංකාවෙන් දෙවැනි ස්ථානයට පත් විය. පසුගිදා කොලඹ පැවැති 2015 ජාතික ඵලදායිතා තත්ව සම්මාන උළෙලේදී ඉහත සහතික හා සම්මාන ලබා ගන්නා ලදී.

Older Posts »

Categories