CA

ශ්‍රී ලංකා වරලත් ගණකාධිකාරී ආයතනය (CA) හා රජයේ මූල්‍ය හා ගණකාධිකාරී ආයතනය (APFA) විසින් වාර්ෂිකව සංවිධාන කරන හොඳම ගිණුම් හා වාර්ෂික වාර්ථාව (Best Annual Reports and Accounts Award) සඳහා වූ සම්මාන ප්‍රදානෝත්සවය 2018-10-29 දින කොළඹ බණ්ඩාරණායක සම්මන්ත්‍රණ ශාලාවේ පැවැත්විනි. මෙහිදී ශ්‍රී ලංකාවේ පළාත් පාලන ආයතන අතරින් හොඳම ගිණුම් හා වාර්ෂික වාර්තාව සඳහා වූ ප්‍රථම ස්ථානයේ සම්මානය බළන්ගොඩ නගර සභාවට හිමි විය.

Advertisements

රාජ්‍ය සේවකයින් අතර සුහදතාව වර්ධනය කිරීම, ශරීර සුවතාව ඉහල නැංවීම අරමුණු කරගනිමින් බළන්ගොඩ නගර සභා ක්‍රිඩා සංගමය මගින් රාජ්‍ය සේවකයින් සදහා ක්‍රීඩා තරගාවලියක් සංවිධානය කරන ලදී. 2018 සැප්තෑම්බර් 20 හා 21 දෙදින පැවති මෙම ක්‍රිඩා තරගාවලියේ ක්‍රිකට් සහ වොලිබොල් තරග පැවැතිවිනි.

මෙම තරගාවලියේ ක්‍රිකට් සඳහා පහත ආයතන සහභාගී විය.
නගර සභාව-A කණ්ඩායම B කණ්ඩායම, පොලිස් කණ්ඩායම, ප්‍රාදේශීය ලේකම් කාර්යාලය-ඉඹුල්පේ, ප්‍රාදේශීය ලේකම් කාර්යාලය-බලංගොඩ, ප්‍රාදේශීය ලේකම් කාර්යාලය-ඕපනායක, ප්‍රාදේශීය සභාව- බලංගොඩ, ප්‍රාදේශීය සභාව-වැලිගෙපොල, ප්‍රාදේශීය සභාව- ඉඹුල්පේ , කෘෂිකර්ම දෙපාර්තමේන්තුව, සමනලවැව විදුලි බලාගාරය, විධායක ඉංජිනේරු කාර්යාලය-බලංගොඩ, පාසල් කණ්ඩායම-A කණ්ඩායම , පාසල් කණ්ඩායම-B කණ්ඩායම , බළන්ගොඩ කලාප අධ්‍යාපන කාර්යාලය, බන්ධනාගාරය- බළන්ගොඩ, මූලික රෝහල- බළන්ගොඩ, ශ්‍රී ලං.ග.ම- බළන්ගොඩ,ජල සම්පාදනය- බළන්ගොඩ, ලංකා විදුලිබල මණ්ඩලය ප්‍රාදේශීය කාර්යාලය-බළන්ගොඩවොලිබෝල් සඳහා පහත ආයතන සහභාගී විය.
ප්‍රාදේශීය ලේකම් කාර්යාලය- වැලිගෙපොල, ප්‍රාදේශීය සභාව- බලංගොඩ, විධායක ඉංජිනේරු කාර්යාලය-බලංගොඩ, පාසල් ගුරු කණ්ඩායම, නගර සභාව-බලංගොඩ, මූලික රෝහල- බලංගොඩ

බළන්ගොඩ නගර සභා මහජන පුස්තකාලය මගින් සංවිධානය කරනු ලැබු තොරතුරු තාක්ෂණ වැඩසටහනක් 2018-09-19 දින ර/ආනන්ද මෛ‍ෙත්‍රය මධ්‍ය මහා විද්‍යාලයේදී පැවැත්විනි. සමාජ ජාල ආක්ෂිතව භාවිතා කිරීම පිළිබඳ පාසල් සිසුන් දැනුවත් කිරීම මෙහිදී සිදුවිය.

බළන්ගොඩ නගර සභාව විසින් පරිසර පොලිසිය, සෞඛ්‍ය වෛද්‍ය නිලධාරී කාර්යාලය, බළන්ගොඩ වෙළද සංගමය හා බළන්ගොඩ ප්‍රදේශයේ රාජ්‍ය ආයතන සම්බන්ධකර ගනිමින් ඩෙංගු මර්ධනය සදහා ශ්‍රමදාන වැඩසටහනක් 2018-08-30 වන දින පවත්වන ලදී.

දහමේ හැසිරෙන්න‍ට කැමති සැම වෙනුවෙන් බළන්ගොඩ නගර සභා මහජන පුස්තකාලයේ උපදේශක කමිටුව හා එක්ව සංවිධානය කරනු ලැබු ධර්ම දේශනයක් 2018-07-26 දින ‍ප.ව. 2.30 ට බළන්ගොඩ නගර සභා පරිශ්‍රයේදී පවත්වන ලදී. මෙම ධර්මදේශනය පවත්වන ලද්දේ වටවල ධම්මනදිය සේනාසනාධිපති පුජ්‍ය සද්ධාතිස්ස හිමියන් විසිනි.

රත්නපුර දිස්ත්‍රික් පාර්ලිමේන්තු මන්ත්‍රී, විද්‍යා තාක්ෂණ පර්යේශණ, නිපුණතා සංවර්ධන, වෘත්තීය පුහුණු හා කන්ද උඩරට උරුමය පිළිබද නි‍යෝජ්‍ය අමාත්‍ය ගරු කරුණාරත්න පරණවිතාන මැතිතුමාගේ සංකල්පයක් අනුව ක්‍රියාත්මක වන “තුරු මිහිර” රුක් රෝපණ වැඩසටහන යට‍තේ බළන්ගොඩ නගර සභාවේ රුක් රොපණ වැඩසටහන ජව ගන්වන ලදී. මෙම අවස්ථාව සදහා රත්නපුර දිස්ත්‍රික් පාර්ලිමේන්තු මන්ත්‍රී, විද්‍යා තාක්ෂණ පර්යේශණ, නිපුණතා සංවර්ධන, වෘත්තීය පුහුණු හා කන්ද උඩරට උරුමය පිළිබද නි‍යෝජ්‍ය අමාත්‍ය ගරු කරුණාරත්න පරණවිතාන මැතිතුමා, බළන්ගොඩ නගර සභාවේ සභාපති චමික ජයමිණි විමලසේන මැතිතුමා, නාගරික මන්ත්‍රීවරන් ඇතුඵ ප්‍රදේශයේ ජනතාව රැසක් සහභාගිවිය.

බළන්ගොඩ නගර සභාවේ ගරු සභාපති චමික ජයමිණී විමලසේන මැතිතුමාගේ සංකල්පයක් අනුව ආරම්භ කරන ලද පුබුදමු ගම්මැද්ද සංවර්ධන වැඩසටහන මේ දිනවල ඇල්ලෙපොල කොට්ඨාශය ආවරණය කෙරෙමින් පැ‍වැත්වේ. ඒ යටතේ 2018-06-22 දින ඇල්ලෙපොල බෝධිමාලකාරාම විහාරස්ථානයේදී බෝනොවන රෝග සායනයක් බළන්ගොඩ ‍මුලික රෝගලේ සහයෝගයෙන් පැවැත්විනි. මෙහිදී නොමිලේ ඇස් පරීක්ෂා කිරීමේ වැඩසටහනක්ද ක්‍රියාත්මක විය. තවද ඇල්ලෙපොල කොට්ඨාශයේ ගෙවතු වගාකරුවන් සදහා නොමිලේ කොම්පෝස්ටි පොහොර බෙදා දීමේ වැඩසටහනක්ද පැවැත්විනි.

 

බළන්ගොඩ නගර සභාවේ ක්‍රියාත්මක ඉ-බළන්ගොඩ තොරතුරු තාක්ෂණ ප්‍රවර්ධන වැඩසටහන හා ඉ-රාජ්‍ය සංකල්පය ක්‍රියාත්මක වීම පිළිබද දැනුවත් කිරීමේ වැඩසටහනක් 2018-06-12 දින බළන්ගොඩ නගර සභාවේදී පැවැත්විනි. මේ සදහා ශ්‍රී ජයවර්ධනපුර විශ්වවිද්‍යාලයේ දේශපාලන විද්‍යා පීඨයේ සිසු සිසුවියන් පිරිසක් සහභාගිවිය.

බළන්ගොඩ නගර සභාවේ ගරු සභාපති චමික ජයමිණී විමලසේන මැතිතුමාගේ සංකල්පයක් අනුව ආරම්භ කරන ලද පුබුදමු ගම්මැද්ද සංවර්ධන වැඩසටහන 2018-06-04 දින ඇල්ලෙපොල කොට්ඨාශයෙන් ආරම්භ කරන ලදී. මෙහිදී මාර්ග අලුත්වැඩියාව, කාණු පද්ධති පළිසකර කිරීම, විදි පහන් පළිසකර කිරීම, ඩෙංගු මර්ධන වැඩසටහන්, ආයුර්වේද සායන, ජංගම පුස්තකාල සේවා, බෝ නොවන රෝග සායනය ඇතුඵ සේවා රැසක් ක්‍රියාත්මක කිරීමය සැලසුම් කර ඇත. ඇල්ලෙපොල කොට්ඨාශය සදහා වන මෙම වැඩසටහන ඉදිරියේදී බළන්ගොඩ නගර සභා අනෙකුත් කොට්ඨාශ සදහාද ක්‍රියාත්මක කිරීමට සැලසුම් කර ඇත.

බළන්ගොඩ නගර සභා කාර්ය මණ්ඩලය විසින් 2018-04-29 පොහෝ  දින මඤ්ඤොක්කා දන්සලක්  මහජන පුස්තකාලය ඉදිරිපට දී පවත්වන ලදී.  තවද එදින රාත්‍රියේ බළන්ගොඩ නගර සභාව, වෙළද සංගමය හා බළන්ගොඩ පොලීසිය එක්ව නගරය ආලෝකමත් කරමින් වෙසක් කූඩු ප්‍රදර්ශනයක් සිදු කරන ලදී.

Older Posts »

Categories