බළන්ගොඩ නගර සභාවේ අනුග්‍රහයෙන් ක්‍රියාත්මක සම්පුර්ණවශයෙන් කොම්පෝස්ට් පොහොර භාවිතා කරන ආදර්ශ ගොවිපලක් බළන්ගොඩ ප්‍රාර්ථනා බෝධිය ආසන්නයේ පිහිටා ඇත. එහි වඩා හොද සරු ඵලදාවක් කොම්පෝස්ට් පොහොර භාවිතයෙන් ලබා ගනිමින් ඇත. 2017-11-23 දින බළන්ගොඩ නගර සභාව මගින් මෙම ආදර්ශ ‍ගොවිපල වෙත 50kg පොහොර මිටි 20 ක් පරිත්‍යාග කරන ලදී.

Advertisements

ජනතාවට හා පාසල් සිසු දරුවන්ට ප්‍රයෝජනවත් වන පරිදි විශේෂයෙන් සකස් කරන ලද ධාන්‍ය හා ‍‍ඖෂධ වර්ග රැස්කර විශේෂ සංරක්ෂිත ක්‍රම භාවිතා කරමින් මෙම සුවිශේෂ පුස්තකාල ඒකකය ආරම්භ කර ඇත. ශ්‍රී ලංකාවේ දැනට මහජන පුස්තකාල අතරින් බළන්ගොඩ මහජන පුස්තකාලයේ පමණක් මෙම විශේෂ ඒකකය ක්‍රියාත්මක වේ. ඔබටත් දැන් බළන්‍ගොඩ නගර සභා මහජන පුස්තකාලය වෙත පිවි‍ස මෙම ධාන්‍ය හා ‍‍ඖෂධ වර්ග පිළිබද විශේෂ පුස්තකාලය නොමිලේම පරිහරණය කල හැකිය.

ශ්‍රී ලංකා පළාත් පාලන ආයතන ඉතිහාසයේ ප්‍රථම වරට ආරම්භ කරන ලද සජීවී ශාඛ පිළිබද පුස්තකාලයක් බළන්‍ගොඩ නගර සභා මහජන පුස්තකාලයෙන් ආරම්භ කර ඇත. මහජන පුස්තකාල පරිශ්‍රයේම ආරම්භ කර ඇති මෙම සජීවී ශාඛ පිළිබද පුස්තකාලය මගින් ශාඛ පිළිබද සියඵම තොරතුරු ජනතාව වෙත ලබා දීමට කටයුතු කර ඇත. QR-Code තාක්ෂණය ද භාවිතා කරමින් ජනතාවට ශාඛ පිළිබද තොරතුරු සදහා ක්ෂණික පිවිසුම්ද සකස් කර ඇත. බළන්ගොඩ නගර සභා මහජන පුස්තකාලට පැමිණ දැන් ඔබටත් මෙම ශාඛ පුස්තකාලය පරිහරණය කිරීමේ අවස්ථාව සලසා ඇත.

DSC04188

බළන්ගොඩ ප්‍රදේශයේ ඓතිහාසික උරුමය පිළිබද සිහිවටන ආරක්ෂා කරමින් මතු පරපුරට දායද කරලීම අරමුණු කරගෙන බළන්ගොඩ නගර සභා මහජන පුස්තකාලයෙන් බළන්ගොඩ ‍ඓතිහාසික උරුමය පිළිබද කෞතුකාගාරක් ආරම්භ කරන ලදී. මේ සදහා ඔබටත් දායකවිය හැකි අතර ඔබ සතුව ඓතිහාසික වටිනාකමක් සහිත භාණ්ඩ තිබේ නම් ඒවා මතු පරපුරට නැරඹීම සදහා ආරක්ෂා කරමින් ඒවා මෙම කෞතුකාගාරයේ තැම්පත් කිරීමට අවස්ථාව ඇත. මේ සදහා 045-2287275 මගින් වැඩිදුර තොරතුරු ලබා ගත හැකිය.

 

14e9f48බළන්ගොඩ නගර සභාවේ 2018 වර්ෂය සදහා යෝජිත අයවැය සැකසීම සදහා ජනතාවගෙන් අදහස් හා යෝජනා ලබා ගැනීමට බළන්ගොඩ නගර සභාව අපේක්ෂා කරයි.

බළන්ගොඩ නගර සභා බල ප්‍රදේශය තුල 2018 වර්ෂය තුල ක්‍රියාත්මක කල යුතුව ඇතැයි ඔබ සිතන සංවර්ධන යෝජනාවන් සම්බන්ධයෙන් ඔබගේ අදහස් අප වෙත දන්වා එවන මෙන් කාරුණිකව ඉල්ලා සිටිමු.

දැනට බළන්ගොඩ නගර සභා බල ප්‍රදේශයේ ඇති අඩුපාඩු හා ඒ සදහා ලබා දිය හැකි විසදුම් යෝජනා ඔබ අප වෙත ඉදිරිපත් කරන්නේ නම් වඩා යෝග්‍ය වන අතර මෙම යෝජනා 2017 නොවැම්බර් 15 වෙනි දිනට පෙර යොමු කරන මෙන් වැඩිදුරටත් ඉල්ලා සිටිමු.

ඔබගේ යෝජනා පහත ආකාර වලින් අප වෙත ‍යොමු කල හැකිය.

01. සාමාන්‍ය තැපැල් ලිපි වශයෙන් එවන්නේ නම් පහත ලිපිනයට යොමු කරන්න.

ලේකම්, නගර සභාව, බළන්ගොඩ, ශ්‍රී ලංකාව

02. විද්‍යුත් තැපැල් මගින් ඔබගේ යෝජනා එවන්නේ නම් info@balangoda.uc.gov.lk යන ලිපිනයට එවිය හැකිය. ඉංග්‍රීසි හෝ දමිළ භාෂාවෙන්ද ඔබේ යෝජනා අපවෙත ‍යොමු කල හැකිය.(සිංහලෙන් ඔබේ යෝජනා එවන්නේ නම් සිංහල යුනිකොඩ් භාවිතා කර ලියා එවන්න.)

03. මෙම බ්ලෝග් අඩවියේ comments යටතේ ඔබේ යෝජනා අප වෙත යොමු කල හැකිය. එසේ යොමු කිරීමේදී ඔබේ නම, ලිපිනය හා ඔබ ඇමතිය හැකි දුරකථන අංකද දන්වා එවන්නේ නම් මැනවි.

04. බළන්ගොඩ නගර සභා නිල‍ වෙබ් අඩවියේ ඇති ඔබගේ අදහස් අපවෙත ලබා දිය හැකි විද්‍යුත් ප්‍රජා ප්‍රතිචාර කවුලුව තුලින්ද අයවැය සදහා වු ඔබේ යෝජනා අප වෙත ලබා දිය හැකිය.විද්‍යුත් ප්‍රජා ප්‍රතිචාර කවුලුවට පිවිසීමට මෙතැන ක්ලික් කරන්න.

05. බළන්ගොඩ නගර සභාවේ නිල Facebook පිටුව ඔස්සේ comment ලෙස හෝ පණිවිඩයක් ලෙස අප වෙත ඔබගේ යෝජනා ඉදිරිපත් කරන්න

සබරගමුව පළාත් ප්‍රධාන අමාත්‍ය මහීපාල හේරත් මැතිතුමාගේ උපදේශනය හා මගපෙන්වීම යටතේ ඩෙංගු වසංගතය දුරලීමේ අරමුණින් හා පරිසරය පවිත්‍රව තබා ගැනීමේ අරමුණ පෙරදැරිව බළන්ගොඩ නගරය පවිත්‍ර කිරීමෙි ශ්‍රමදානය අද (2017-08-24) දින පැවැත්විනි. මේ සදහා බළන්ගොඩ නගර සභාව සමගින් බළන්ගොඩ සෞඛ්‍ය වෛද්‍ය නිළධාරී කාර්යාලය, ප්‍රාදේශීය ලේකම් කාර්යාලය, බළන්ගොඩ පොලිසිය, වෙළද සංගමය, සිංහ සමාජය එක්විය.

බළන්ගොඩ නගර සභා මහජන පුස්තකාලයීය පාඨක සමාජය මගින් ප්‍රකාශනය කරන ලද මහිමය 4 වන කලාපය එළිදැක්වීම හා සාහිත්‍යකලා නිර්මාණ රසවින්දන වැඩසටහනක් 2017 ජුලි 07 වෙනි දින බළන්ගොඩ නගර සභා ශ්‍රවණාගාරයේදී පැවැත්විණි. සාහිත්‍ය රසවින්දන වැඩසටහන මෙහෙයවන ලද්දේ ජනයුගය ජාතික පුවත්පතේ නියෝජ්‍ය විශේෂාංග කතෘ හා රේඛාව සාහිත්‍ය අතිරේකයේ සංස්කාරක ජීවන පහන් තිළිණ මහතා විසිනි.

බළන්ගොඩ නගර සභාවේ මෙහෙයවීමෙන් බළන්‍ගොඩ නාගරික ජනතා‍වගේ සහායෙන් එකතු කරන ලද ආපදා පෙදෙස් වල ජනතා වෙත බොදා හැරීමට එකතු කරන ලද ආහාර ඇතුඵ අත්‍යාවශ්‍ය ද්‍රව්‍ය අද (2017-05-30) සහ හෙට එම පෙදෙස් වලට ගෙන යෑමට සුදානම් කර ඇත.

බළන්ගෙඩ නගර සභා මහජන පුස්තකාලය මගින් සංවිධානය කරන ලද  ඩිජිටල් ඡායාරූපකරණය පිළිබද වැඩසටහනක් 2017-05-23 දින බළන්ගොඩ නගර සභා රැස්වීම් ශාලාවේදී පැවැත්විනි. මෙම වැඩසටහන ර/බළන්ගොඩ ශාන්ත ඇග්නස් බාලිකා විද්‍යාලයීය මාධ්‍ය අධ්‍යනය විෂය ඉගෙනුම ලබන සිසුවියන් උදෙසා පැවැත්විනි.

ජාත්‍යන්තර කාන්තා දිනය නිමිත්මෙන් බළන්ගොඩ නගර සභා මහජන පුස්තකාලයීය පාඨක සමාජය මගින් සංවිධානය කරන ලද කේක් සෑදීමේ පුහුණු වැඩසටහන 2017-03-10 දින පවත්වන ලදී. ප්‍රදේශයේ කාන්තාවන් රැසක් සහභාගිවු මෙම වැඩමුඵව මෙහෙවන ලද්දේ පුස්තකාල සහායිකා අනුලා කහන්ගම මිය විසිනි.

Older Posts »

Categories